كورس مجاني بالعربي البسيط من خبرة مدير طبي فعلي — لأصحاب المستشفيات والعيادات والمديرين الطبيين وأي دكتور بيفكر يفتح مشروع طبي.
الكورس بيشرح إدارة المنشآت الطبية من الواقع مش من الكتب: إزاي المستشفى بتخسر فلوس من غير ما تحس، وإيه اللي بيفرق إدارة المستشفى عن إدارة العيادة، وإزاي تبني هيكل إداري كل مهمة فيه ليها صاحب واحد، وإزاي تدير بالأرقام من خلال مؤشرات الأداء (KPIs). كل حلقة قصيرة (أقل من 6 دقايق) ومعاها خطوات تقدر تطبقها في منشأتك على طول.
المحاضر: د. أحمد صلاح — استشاري نساء وتوليد ونائب مدير طبي في مستشفى حكومي، ومؤسس Adversolve ونظام Wesix لإدارة العيادات والمستشفيات.
ليه مستشفيات وعيادات مليانة مرضى وفي آخر السنة مفيش أرباح حقيقية؟ الحلقة دي بتكشف 7 تسريبات تشغيلية ومالية مش بتظهر في الميزانية.
إدارة المستشفى مش "عيادة كبيرة". ده السبب اللي بيخلي دكاترة ناجحين في عياداتهم يخسروا أول ما يفتحوا مستشفى. الحلقة بتشرح 5 فروق أساسية.
لما مريض يشتكي والكل يقول "دي مش شغلتي"، المشكلة في الهيكل مش في الموظفين. الحلقة بترسم هيكل إداري عملي ينفع لمستشفى 30 سرير أو 300 سرير.
بتدير مستشفاك بالأرقام ولا بالإحساس؟ الحلقة بتشرح أهم 10 مؤشرات أداء لازم تتابعها كل شهر وإزاي تطلعها بضغطة زر.
